ច្បាប់និងបទដ្ឋាន 
សម័យ សង្គមរាស្ត្រនិយមការងារវប្បធម៌ស្ថិត នៅក្រោម ឱវាទក្រសួងសិក្សាធិការ (ក្រសួងអប់រំ)។
សម័យសាធារណរដ្ឋខ្មែរ ទីស្ដីការក្រសួង ត្រូវបានបង្កើតឡើង ដែលមានទីតាំងស្ថិតនៅក្នុងព្រះបរមរាជវាំង ដឹកនាំដោយ លោក អ៊ុំ សាមុត ជារដ្ឋមន្ត្រី។
សម័យសាធារណរដ្ឋប្រជាមានិតកម្ពុជា ទីស្ដីការក្រសួងត្រូវបានបង្កើតឡើងជាថ្មី ដែលមានឈ្មោះថា ក្រសួងឃោសនាការ វប្បធម៌ និងព័ត៌មាន មានទីតាំងនៅជ្រុងផ្លូវលេខ ១៨០។ ដឹកនាំដោយ សមមិត្ត កែវ ចិន្តា ជារដ្ឋមន្រ្តី។
ចំនួនអ្នកកំពុងទស្សនា 16 នាក់
ចំនួនអ្នកទស្សនា ថ្ងៃនេះ 385336 នាក់
ចំនួនអ្នកទស្សនា ថ្ងៃម្សិល 251137 នាក់
ចំនួនអ្នកទស្សនា សរុប 9063090 នាក់
- សេចក្តីជូនដំណឹងស្តីពីការប្រឡងជ្រើសរើសសិស្ស និស្សិត និងមន្ត្រីរាជការ ចូលបម្រើការងារក្នុងក្របខណ្ឌក្រសួងវប្បធម៌ និងវិចិត្រសិល្បៈឆ្នាំ២០១៩
សិក្ខាសាលា នាយកដ្ឋានសិទ្ធិអ្នកនិពន្ធ និងសិទ្ធប្រហាក់ប្រហែល
ថ្ងៃ អង្គារ ទី ២៤ ខែ មិថុនា ឆ្នាំ ២០១៤
កាលពីព្រឹកថ្ងៃទី២៤ ខែមិថុនា ឆ្នាំ២០១៤ វេលាម៉ោង០៨.៣០នាទី នៅសាលអង្គរវត្តនៃទីស្តីការក្រសួងវប្បធម៌និងវិចិត្រសិល្បៈ មានបើកវគ្គសិក្ខាសាលាប្រជុំពិភាក្សានិងផ្តល់យោបល់លើសេចក្តីព្រាងអនុក្រឹត្យស្តីពី “អង្គភាពគ្រប់គ្រងសិទ្ធិរួម” ក្រោមអធិបតីភាព ឯកឧត្តម សោម សុគន្ធ រដ្ឋលេខាធិការក្រសួងវប្បធម៌និងវិចិត្រសិល្បៈ។
ចូលរួមក្នុងឱកាសនោះ ឯកឧត្តមរដ្ឋលេខាធិការ បានមានប្រសាសន៍បញ្ជាក់ថា៖ ក្នុងនាម លោកជំទាវរដ្ឋមន្ត្រី ក្រសួងវប្បធម៌និងវិចិត្រសិល្បៈ និងក្នុងនាមឯកឧត្តមផ្ទាល់ បានស្វាគមន៍ចំពោះវត្តមានរបស់ ឯកឧត្តម លោកជំទាវ លោក លោកស្រី ជាអគ្គនាយក អគ្គនាយករង ស្ថានីយ៍ទូរទស្សន៍ ចាងហ្វាងផលិតកម្ម ក្រុមហ៊ុន ផលិតករ អ្នកនិពន្ធ និងសិល្បករ សិល្បការិនីទាំងអស់ ដែលបានចូលរួមក្នុងអង្គសិក្ខាសាលាប្រជុំពិភាក្សា និងផ្តល់យោបល់លើសេចក្តីព្រាងអនុក្រឹត្យស្តីពី “អង្គភាពគ្រប់គ្រងសិទ្ធិរួម” ដែលក្រសួងវប្បធម៌និងវិចិត្រសិល្បៈ បានដាក់ចេញនូវគោលការណ៍វប្បធម៌ជាបន្តបន្ទាប់ សំដៅធ្វើឲ្យព្រះរាជាណាចក្រកម្ពុជាក្លាយជាមជ្ឈមណ្ឌលផ្សព្វផ្សាយវប្បធម៌ខ្មែរ ដែលឆ្លុះបញ្ជាំងនូវចក្ខុវិស័យថ្មីមួយក្នុងការអនុវត្តគោលនយោបាយរបស់រាជរដ្ឋាភិបាល ពីព្រោះថា ការរីកចម្រើននៃវប្បធម៌នឹងចូលរួមក្នុងការបង្កើតការងារថ្មីៗជូនប្រជាជនកម្ពុជា។ មានន័យថា ការអភិវឌ្ឍន៍វប្បធម៌ប្រកបដោយអត្តសញ្ញាណជាតិ និងរួមចំណែកក្នុងការអភិវឌ្ឍន៍សេដ្ឋកិច្ចជាតិ។ ចំណែកឯគោលដៅមួយផ្សេងទៀតគឺសំដៅរួមចំណែកក្នុងការប្រែក្លាយ កម្ពុជាព្រះរាជាណាចក្រកម្ពុជានៃវប្បធម៌ខ្មែរ ដោយបានខិតខំជម្រុញលើកទឹកចិត្តដល់ការច្នៃប្រឌិត បង្កើតផលិតផលវប្បធម៌ថ្មីៗ ពង្រីកទីផ្សារវប្បធម៌ឲ្យបានទូលាយនិងបង្កើតសេវាវប្បធម៌ឲ្យសម្បូរបែប។ គោលដៅខាងលើនេះ គឺជាកត្តាដ៏សំខាន់សម្រាប់កាត់បន្ថយឥទ្ធិពលនៃបញ្ហាប្រឈមទៅនឹងចរន្តសាកលភាវូបនីយកម្ម ដែលព្រះរាជាណាចក្រកម្ពុជាយើងកំពុងទទួលរងទាំងផ្លូវវិជ្ជមាន និងអវិជ្ជមាន។
ដើម្បីឲ្យគោលដៅដែលបានលើកលើកឡើងខាងលើ អាចសម្រេចទៅបានក្នុងបរិបទនៃសម័យសាកលភាវូបនីយកម្មនេះ ក្រសួងវប្បធម៌និងវិចិត្រសិល្បៈបានខិតខំធ្វើការអភិវឌ្ឍន៍ធនធានមនុស្សឲ្យសមស្របតាមការវិវត្តន៍របស់សង្គម ទន្ទឹមនឹងនេះ ការតាក់តែងច្បាប់ និងការជម្រុញការអនុវត្តច្បាប់ គឺជាកត្តាមិនអាចខ្វះបាន ដែលតម្រូវឲ្យមានការចូលរួមពីសំណាកអ្នកពាក់ព័ន្ធនានា។ ការទទួលជោគជ័យក្នុងសម័យសាកលភាវូបនីយកម្ម ប្រទេសនីមួយៗត្រូវតែមានច្បាប់គ្រប់គ្រាន់ខាងវិស័យវប្បធម៌ និយាយដោយខ្លីគឺប្រែក្លាយប្រទេសជាតិឲ្យទៅជានីតិរដ្ឋខាងវិស័យវប្បធម៌។
ដោយយល់យ៉ាងច្បាស់ថា កម្មសិទ្ធិបញ្ញាជាកំលាំងចលករក្នុងការជម្រុញឲ្យមានការច្ឋៃប្រឌិត ការបង្កើតថ្មី ដើម្បីអភិវឌ្ឍសេដ្ឋកិច្ចជាតិនិងរក្សាបាននូវអត្តសញ្ញាណវប្បធម៌ជាតិ ក្នុងនោះសិទ្ធិអ្នកនិពន្ធនិងសិទ្ធិប្រហាក់ប្រហែលជាផ្នែកមួយដ៏សំខាន់នៃកម្មសិទ្ធិបញ្ញា។ តាមព្រះរាជក្រមចុះថ្ងៃទី០៥ ខែមីនា ឆ្នាំ២០០៣ ច្បាប់សិទ្ធិអ្នកនិពន្ធនិងសិទ្ធិប្រហាក់ប្រហែល ត្រូវបានប្រកាសឲ្យប្រើប្រាស់ជាផ្លូវការ ត្រង់មាត្រា៥៦ វាក្យខណ្ឌទី១ ចែងថា អ្នកនិពន្ធនិងម្ចាស់សិទ្ធិប្រហាក់ប្រហែល អាចបង្កើតអង្គភាពគ្រប់គ្រងសិទ្ធិរួម (CMO) ដើម្បីការពារនិងគ្រប់គ្រងសិទ្ធិបេតិកភណ្ឌ ដែលរហូតមកដល់ពេលនេះ ក្រសួងវប្បធម៌និងវិចិត្រសិល្បៈ បានរៀបរៀងសេចក្តីព្រាងអនុក្រឹត្យមួយស្តីពី “អង្គភាពគ្រប់គ្រងសិទ្ធិរួម” ដែលមាននៅក្នុងរបៀបវារៈនៃកិច្ចពិភាក្សានៅព្រឹកនេះ និងសូមប្រកាសបើកអង្គសិក្ខាសាលាប្រជុំពិភាក្សានិងផ្តល់យោបល់លើសេចក្តីព្រាងអនុក្រឹត្យស្តីពី “អង្គភាពគ្រប់គ្រងសិទ្ធិរួម” ចាប់ពីពេលនេះតទៅ៕
ព័ត៌មានផ្សេងៗ
-
ពិធីបិទសន្និបាតបូកសរុបការងារវប្បធម៌និងវិចិត្រសិល្ប: ឆ្នាំ២០១៥ និងលើកទិសដៅការងារ ឆ្នាំ២០១៦
ពិធីបិទសន្និបាតបូកសរុបការងារវប្បធម៌និងវិចិត្រសិល្ប: ឆ្នាំ២០១៥ និងលើកទិសដៅការងារ ឆ្នាំ២០១៦ របស់ក្រសួងវប្បធម៌និងវិចិត្រសិល្ប: ក្រោមអធិបតីភាព ឯកឧត្តម វ៉ា គឹមហុង ទេសរដ្ឋមន្ត្រីទទួលបន្ទុកបេសកកម្មពិសេស និងជាប្រធានគណ:កម្មការកិច្ចការព្រំដែន>>>>
-
ពិធីបើកសន្និបាតបូកសរុបការងារវប្បធម៌និងវិចិត្រសិល្ប: ឆ្នាំ២០១៥ និងលើកទិសដៅការងារ ឆ្នាំ២០១៦
ពិធីបើកសន្និបាតបូកសរុបការងារវប្បធម៌និងវិចិត្រសិល្ប: ឆ្នាំ២០១៥ និងលើកទិសដៅការងារ ឆ្នាំ២០១៦ ក្រោមអធិបតីភាព លោកជំទាវ ភឿង សកុណា រដ្ឋមន្ត្រីក្រសួងវប្បធម៌និងវិចិត្រសិល្ប: >>>
-
ពិធីចុះហត្ថលេខាលើអនុសារណៈនៃការយោគយល់គ្នា (MOU) រវាងក្រសួងវប្បធម៌និងវិចិត្រសិល្បៈ និង School of Oriental and African Studies (SOAS) នៃសាកលវិទ្យាល័យ London
នារសៀលថ្ងៃទី២១ ខែធ្នូ ឆ្នាំ២០១៥ នៅក្រសួងវប្បធម៌និងវិចិត្រសិល្បៈ មានរៀបចំពិធីចុះហត្ថលេខាលើអនុសារណៈនៃការយោគយល់គ្នា (MOU) រវាងក្រសួងវប្បធម៌និងវិចិត្រសិល្បៈ និង School of Oriental and African Studies (SOAS) នៃសាកលវិទ្យាល័យ London >>>>
-
ពិធីជួបសំណេះសំណាលជាមួយសិស្សសាលាសៀកសាលាមធ្យមវិចិត្រសិល្ប:នៃក្រសួងវប្បធម៌និងវិចិត្រសិល្ប:
ពិធីជួបសំណេះសំណាលជាមួយសិស្សសាលាសៀកសាលាមធ្យមវិចិត្រសិល្ប:នៃក្រសួងវប្បធម៌និងវិចិត្រសិល្ប: ក្រោមអធិបតីភាព លោកជំទាវរដ្ឋមន្ត្រី នៅបន្ទប់ព្រះវិហារទីស្តីការក្រសួងវប្បធម៌និងវិចិត្រសិល្ប:>>>>>