ច្បាប់និងបទដ្ឋាន 
សម័យ សង្គមរាស្ត្រនិយមការងារវប្បធម៌ស្ថិត នៅក្រោម ឱវាទក្រសួងសិក្សាធិការ (ក្រសួងអប់រំ)។
សម័យសាធារណរដ្ឋខ្មែរ ទីស្ដីការក្រសួង ត្រូវបានបង្កើតឡើង ដែលមានទីតាំងស្ថិតនៅក្នុងព្រះបរមរាជវាំង ដឹកនាំដោយ លោក អ៊ុំ សាមុត ជារដ្ឋមន្ត្រី។
សម័យសាធារណរដ្ឋប្រជាមានិតកម្ពុជា ទីស្ដីការក្រសួងត្រូវបានបង្កើតឡើងជាថ្មី ដែលមានឈ្មោះថា ក្រសួងឃោសនាការ វប្បធម៌ និងព័ត៌មាន មានទីតាំងនៅជ្រុងផ្លូវលេខ ១៨០។ ដឹកនាំដោយ សមមិត្ត កែវ ចិន្តា ជារដ្ឋមន្រ្តី។
ចំនួនអ្នកកំពុងទស្សនា 18 នាក់
ចំនួនអ្នកទស្សនា ថ្ងៃនេះ 384376 នាក់
ចំនួនអ្នកទស្សនា ថ្ងៃម្សិល 251137 នាក់
ចំនួនអ្នកទស្សនា សរុប 9062130 នាក់
- សេចក្តីជូនដំណឹងស្តីពីការប្រឡងជ្រើសរើសសិស្ស និស្សិត និងមន្ត្រីរាជការ ចូលបម្រើការងារក្នុងក្របខណ្ឌក្រសួងវប្បធម៌ និងវិចិត្រសិល្បៈឆ្នាំ២០១៩
បើកពិធីផ្សព្វផ្សាយគោលនយោបាយជាតិស្តីពី “វិស័យវប្បធម៌”
ថ្ងៃ ព្រហស្បតិ៍ ទី ០២ ខែ តុលា ឆ្នាំ ២០១៤
កាលពីថ្ងៃទី៣០ ខែកញ្ញា ឆ្នាំ២០១៤ វេលាម៉ោង០៨:៣០នាទីព្រឹកទៅ នៅសាលអង្គរវត្តនៃទីស្តីការក្រសួងវប្បធម៌និងវិចិត្រសិល្បៈ មានបើកពិធីផ្សព្វផ្សាយគោលនយោបាយជាតិស្តីពី “វិស័យវប្បធម៌” ក្រោមអធិបតីភាព លោកជំទាវ ភឿង សកុណា រដ្ឋមន្ត្រីក្រសួងវប្បធម៌និងវិចិត្រសិល្បៈ។
ឆ្លៀ់តក្នុងឱកាសនោះ លោកជំទាវរដ្ឋមន្ត្រីក្រសួងវប្បធម៌និងវិចិត្រសិល្បៈ បានថ្លែងអំណរគុណនិងកោតសរសើរចំពោះការគិតគូរវែងឆ្ងាយ និងគំនិតផ្តួចផ្តើមរបស់ថ្នាក់ដឹកនាំក្រសួង ដែលកាលនោះក្រោមការដឹកនាំដ៏ខ្ពង់ខ្ពស់របស់ ឯកឧត្តម ហ៊ឹម ឆែម និងក្រុមការងារក្រសួងវប្បធម៌និងវិចិត្រសិល្បៈ អង្គការយូណេស្កូ ជាពិសេសអង្គការយូណេស្កូភ្នំពេញ ដែលមានលោកជំទាវ Anne Lemaistre ជាតំណាងនៅទីនេះ ដែលបានធ្វើការសហការគ្នាយ៉ាងជិតស្និទ្ធក្នុងការរៀបចំតាក់តែងសេចក្តីព្រាងឯកសារ គោលនយោបាយជាតិស្តីពី “វិស័យវប្បធម៌។ មិនតែប៉ុណ្ណោះ ការតាក់តែងរៀបចំសេចក្តីព្រាងនេះ សម្រេចបានដោយសារមានការចូលរួមជ្រោមជ្រែងពិភាក្សាផ្តោះប្តូរយោបល់យ៉ាងសកម្មកន្លងមក រហូតទទួលបានការឯកភាពពីគណៈរដ្ឋមន្ត្រីក្នុងសម័យប្រជុំពេញអង្គនាថ្ងៃទី១៨ ខែកក្កដា ឆ្នាំ២០១៤ ដូចដែល ឯកឧត្តម ថៃនរៈសត្យា លើកឡើងអំពីដំណើរការនៃការរៀបចំយ៉ាងក្បោះក្បាយ និងចំណាប់អារម្មណ៍របស់ លោកជំទាវ Anne Lemaistre ដែលបានកត់សម្គាល់មុននេះ ពិតជាមានសារសំខាន់ខ្លាំងណាស់ ហើយលោកជំទាវគាំទ្រយ៉ាងពេញទំហឹងចំពោះសកម្មភាពទាំងនេះ។
លោកជំទាវរដ្ឋមន្ត្រីបានបញ្ជាក់បន្ថែមទៀតថា គោលនយោបាយជាតិស្តីពី “វិស័យវប្បធម៌” គឺជាមូលដ្ឋានគ្រឹះនិងជាត្រីវិស័យក្នុងការនាំឆ្ពោះដល់ការផ្សារភ្ជាប់វិស័យវប្បធម៌ ទៅនឹងការអភិវឌ្ឍសេដ្ឋកិច្ចជាតិ ការពង្រឹងអត្តសញ្ញាណជាតិ ការលើកស្ទួយសីលធម៌ និងកិត្យានុភាពជាតិ ការរក្សាការពារចំណេះដឹងប្រពៃណី និងការលើកស្ទួយភាពផ្សេងៗគ្នានៃវប្បធម៌។ ក្នុងន័យនេះ គោលនយោបាយជាតិបានចែងយ៉ាងច្បាស់អំពីចក្ខុវិស័យរបស់ខ្លួនគឺ “អភិរក្ស និងអភិវឌ្ឍវប្បធម៌ជាតិ ដើម្បីចូលរួមចំណែកអភិវឌ្ឍសេដ្ឋកិច្ចសង្គម” ដែលផ្តើមចេញពីការយល់ឃើញនូវបញ្ហាប្រឈម និងគុណប្រយោជន៍របស់វិស័យវប្បធម៌ បើទោះបីជាក្រសួងវប្បធម៌និងវិចិត្រសិល្បៈបានខិតខំធ្វើការសម្រេចបាននូវគោលដៅសំខាន់ៗក្នុងការអភិរក្ស ជាពិសេសបេតិកភណ្ឌវប្បធម៌រូបី និងអរូបី ដោយមានការជួយគាំទ្រនិងសហការពីសហគមន៍អន្តរជាតិ និងអង្គការក្រៅរដ្ឋាភិបាលយ៉ាងណាក៏ដោយ មានផ្នែកជាច្រើនទៀតដែលត្រូវធ្វើការអភិរក្ស ថែរក្សាការពារ ក្នុងនោះបូករួមទាំងការបង្កើតស្នាដៃសិល្បៈ ផលិតផលវប្បធម៌ថ្មីៗ និងការសម្តែងសិល្បៈផងដែរ តែងតែប្រឈមនឹងឥទ្ធិពលពីខាងក្រៅ ហើយដែលកំពុងជម្រុញឲ្យផ្នត់គំនិត ទំនៀមទម្លាប់ប្តូរទៅតាមនោះដែរ។
លោកជំទាវរដ្ឋមន្ត្រីក្រសួងវប្បធម៌និងវិចិត្រសិល្បៈ បានរំលឹកនូវសុភាសិតខ្មែរមួយឃ្លា ដែលយើងទាំងអស់គ្នាស្គាល់ជាទូទៅគឺ “វប្បធម៌រលត់ជាតិរលាយ វប្បធម៌ពណ្ណរាយជាតិថ្កើងថ្កាន។ វប្បធម៌នឹងរលត់ឬកាន់តែពណ្ណរាយទៅបាន គឺអាស្រ័យដោយការរួមចំណែកយ៉ាងសកម្មពីគ្រប់មជ្ឈដ្ឋាន និងជាពិសេសការចូលរួមយ៉ាងផុលផុសពីយុវជនផងដែរ។ ជាទីបញ្ចប់ លោកជំទាវរដ្ឋមន្ត្រី សូមថ្លែងអំណរគុណជាថ្មីម្តងទៀត ចំពោះឯកត្តម លោកជំទាវ លោក លោកស្រី ភ្ញៀវកិត្តិយសជាតិ អន្តរជាតិ តំណាងក្រសួងស្ថាប័នពាក់ព័ន្ធ អង្គភាពក្រោមឱវាទមន្ទីររាជធានី-ខេត្ត អង្គការ សមាគម ដៃគូអភិវឌ្ឍនិងដៃគូវិស័យឯកជនទាំងអស់ ដែលបានមកចូលរួមក្នុងពិធីផ្សព្វផ្សាយនាពេលនេះ សូមប្រកបដោយពុទ្ធពរ៤ប្រការគឺ អាយុ វណ្ណៈ សុខៈ ពលៈ កុំបីឃ្លាងឃ្លាតឡើយ៕
ព័ត៌មានផ្សេងៗ
-
ពិធីបិទសន្និបាតបូកសរុបការងារវប្បធម៌និងវិចិត្រសិល្ប: ឆ្នាំ២០១៥ និងលើកទិសដៅការងារ ឆ្នាំ២០១៦
ពិធីបិទសន្និបាតបូកសរុបការងារវប្បធម៌និងវិចិត្រសិល្ប: ឆ្នាំ២០១៥ និងលើកទិសដៅការងារ ឆ្នាំ២០១៦ របស់ក្រសួងវប្បធម៌និងវិចិត្រសិល្ប: ក្រោមអធិបតីភាព ឯកឧត្តម វ៉ា គឹមហុង ទេសរដ្ឋមន្ត្រីទទួលបន្ទុកបេសកកម្មពិសេស និងជាប្រធានគណ:កម្មការកិច្ចការព្រំដែន>>>>
-
ពិធីបើកសន្និបាតបូកសរុបការងារវប្បធម៌និងវិចិត្រសិល្ប: ឆ្នាំ២០១៥ និងលើកទិសដៅការងារ ឆ្នាំ២០១៦
ពិធីបើកសន្និបាតបូកសរុបការងារវប្បធម៌និងវិចិត្រសិល្ប: ឆ្នាំ២០១៥ និងលើកទិសដៅការងារ ឆ្នាំ២០១៦ ក្រោមអធិបតីភាព លោកជំទាវ ភឿង សកុណា រដ្ឋមន្ត្រីក្រសួងវប្បធម៌និងវិចិត្រសិល្ប: >>>
-
ពិធីចុះហត្ថលេខាលើអនុសារណៈនៃការយោគយល់គ្នា (MOU) រវាងក្រសួងវប្បធម៌និងវិចិត្រសិល្បៈ និង School of Oriental and African Studies (SOAS) នៃសាកលវិទ្យាល័យ London
នារសៀលថ្ងៃទី២១ ខែធ្នូ ឆ្នាំ២០១៥ នៅក្រសួងវប្បធម៌និងវិចិត្រសិល្បៈ មានរៀបចំពិធីចុះហត្ថលេខាលើអនុសារណៈនៃការយោគយល់គ្នា (MOU) រវាងក្រសួងវប្បធម៌និងវិចិត្រសិល្បៈ និង School of Oriental and African Studies (SOAS) នៃសាកលវិទ្យាល័យ London >>>>
-
ពិធីជួបសំណេះសំណាលជាមួយសិស្សសាលាសៀកសាលាមធ្យមវិចិត្រសិល្ប:នៃក្រសួងវប្បធម៌និងវិចិត្រសិល្ប:
ពិធីជួបសំណេះសំណាលជាមួយសិស្សសាលាសៀកសាលាមធ្យមវិចិត្រសិល្ប:នៃក្រសួងវប្បធម៌និងវិចិត្រសិល្ប: ក្រោមអធិបតីភាព លោកជំទាវរដ្ឋមន្ត្រី នៅបន្ទប់ព្រះវិហារទីស្តីការក្រសួងវប្បធម៌និងវិចិត្រសិល្ប:>>>>>