ច្បាប់និងបទដ្ឋាន 
សម័យ សង្គមរាស្ត្រនិយមការងារវប្បធម៌ស្ថិត នៅក្រោម ឱវាទក្រសួងសិក្សាធិការ (ក្រសួងអប់រំ)។
សម័យសាធារណរដ្ឋខ្មែរ ទីស្ដីការក្រសួង ត្រូវបានបង្កើតឡើង ដែលមានទីតាំងស្ថិតនៅក្នុងព្រះបរមរាជវាំង ដឹកនាំដោយ លោក អ៊ុំ សាមុត ជារដ្ឋមន្ត្រី។
សម័យសាធារណរដ្ឋប្រជាមានិតកម្ពុជា ទីស្ដីការក្រសួងត្រូវបានបង្កើតឡើងជាថ្មី ដែលមានឈ្មោះថា ក្រសួងឃោសនាការ វប្បធម៌ និងព័ត៌មាន មានទីតាំងនៅជ្រុងផ្លូវលេខ ១៨០។ ដឹកនាំដោយ សមមិត្ត កែវ ចិន្តា ជារដ្ឋមន្រ្តី។
ចំនួនអ្នកកំពុងទស្សនា 14 នាក់
ចំនួនអ្នកទស្សនា ថ្ងៃនេះ 266471 នាក់
ចំនួនអ្នកទស្សនា ថ្ងៃម្សិល 251137 នាក់
ចំនួនអ្នកទស្សនា សរុប 9058742 នាក់
- សេចក្តីជូនដំណឹងស្តីពីការប្រឡងជ្រើសរើសសិស្ស និស្សិត និងមន្ត្រីរាជការ ចូលបម្រើការងារក្នុងក្របខណ្ឌក្រសួងវប្បធម៌ និងវិចិត្រសិល្បៈឆ្នាំ២០១៩
ពិធីបើកវគ្គបណ្តុះបណ្តាលអ្នកបង្កើតស្នាដៃសិល្បៈយុវជន សម្រាប់បម្រើឲ្យមហោស្រពសិល្បៈយុវជនទូទាំងប្រទេស
ថ្ងៃ ព្រហស្បតិ៍ ទី ០៣ ខែ កញ្ញា ឆ្នាំ ២០១៥
នាព្រឹកថ្ងៃទី១៧ ខែសីហា ឆ្នាំ២០១៥ វេលាម៉ោង០៨.៣០នាទីនេះ នៅសាលអង្គរវត្តនៃទីស្តីការក្រសួងវប្បធម៌និងវិចិត្រសិល្បៈ មានរៀបចំពិធីបើកវគ្គបណ្តុះបណ្តាលក្រុមអ្នកបង្កើតស្នាដៃសិល្បៈយុវជន ក្រោមអធិបតីភាព ឯកឧត្តម ជុច ភឿន រដ្ឋលេខាធិការ តំណាងដ៏ខ្ពង់ខ្ពស់ លោកជំទាវ ភឿង សកុណា រដ្ឋមន្ត្រីក្រសួងវប្បធម៌និងវិចិត្រសិល្បៈ។
ចូលរួមក្នុងឱកាសនោះ ឯកឧត្តមរដេ្ឋលេខាធិការ មានសេចក្តីរីករាយដោយមានកិត្តិយសបានមកចូលរួមជាអធិបតីក្នុងពិធីបើកវគ្គបណ្តុះបណ្តាលអ្នកបង្កើតស្នាដៃសិល្បៈយុវជន សម្រាប់បម្រើឲ្យមហោស្រពសិល្បៈយុវជនទូទាំងប្រទេស អបអរសាទរទិវាវប្បធម៌ជាតិ ៣មីនា លើកទី១៨ ឆ្នាំ២០១៦ ខាងមុខ និងសូមថ្លែងអំណរគុណយ៉ាងជ្រាលជ្រៅចំពោះ ឯកឧត្តម លោកជំទាវ លោកគ្រូ អ្នកគ្រូ សាស្ត្រាចារ្យសិល្បៈ និងតំណាងបណ្តាវិទ្យាល័យ សាកលវិទ្យាល័យ ព្រមទាំងសិស្សានុសិស្ស និងថ្នាក់ដឹកនាំមកពីបណ្តាមន្ទីរវប្បធម៌និងវិចិត្រសិល្បៈ មន្ទីរអប់រំយុវជននិងកីឡារាជធានី-ខេត្ត ព្រមទាំងបណ្តាអង្គការ សមាគមសិល្បៈទាំងអស់ ដែលបានអញ្ជើញមកចូលរួមក្នុងវគ្គបណ្តុះបណ្តាលនេះ ដែលជាជំហានមួយថ្មីទៀតក្នុងដំណើរវឌ្ឍនភាពរបស់ក្រសួង ស្របតាមអនុសាសន៍ណែនាំដ៏ខ្ពង់ខ្ពស់របស់ សម្តេចអគ្គមហាសេនាបតីតេជោ ដែលបានលើកឡើងក្នុងទិវាវប្បធម៌ជាតិ ៣មីនា លើកទី១៧ ឆ្នាំ២០១៥ ក្នុងគោលបំណងបណ្តុះឲ្យយុវជនខ្មែរ ជាពិសេសសិស្សនិស្សិតថ្នាក់មធ្យម និងឧត្តម ដែលជាទំពាំងស្នងឬស្សី និងជាអ្នកបន្តវេននោះ ឲ្យមាននូវពុទ្ធិស្តីពីតម្លៃពិតនៃសិល្បៈវប្បធម៌ជាតិយ៉ាងពិតប្រាកដ តាមរយៈនេះញ៉ាំងឲ្យពួកគេចេះស្រឡាញ់ពេញចិត្តចូលរួមថែរក្សា ការពារ និងអភិវឌ្ឍវិស័យសិល្បៈវប្បធម៌ជាតិ ឲ្យមានភាពស្ថិតស្ថេរគង់វង្សនិងវឌ្ឍនភាព ពោលគឺមានសក្តានុ ពលគ្រប់គ្រាន់ដើម្បីប្រឈមទប់ស្កាត់ចំពោះវប្បធម៌អវិជ្ជមាន ដែលហូរចូលពីខាងក្រៅមក។
ក្នុងនាមថ្នាក់ដឹកនាំក្រសួង និងក្នុងនាមឯកឧត្តមផ្ទាល់សង្ឃឹមថា វគ្គបណ្តុះបណ្តាលនេះអាចប្រមូលផ្តុំទៅដោយចំណេះដឹងដ៏ទូលំទូលាយខាងវិស័យតែងនិពន្ធ និងបង្កើតស្នាដៃថ្មី ដែលលោកគ្រូ អ្នកគ្រូ និងសាស្ត្រាចារ្យប្រកបដោយបទពិសោធន៍ត្រូវបានអញ្ជើញមកពីបណ្តាស្ថាប័នពាក់ព័ន្ធ នឹងផ្ទេរចំណេះ ជំនាញជូនបណ្តាសិក្ខាកាមទាំងអស់នូវមេរៀនល្អៗ ដែលជាអាវុធសម្រាប់បំពាក់ឲ្យអាជីបថ្មីមួយទៀតសម្រាប់ជីវិតអ្នកស្រឡាញ់សិល្បៈវប្បធម៌ជាតិ ហើយសូមសិក្ខាកាមទាំងអស់ដែលជាសិស្ស និស្សិត និងជាធនធានយុវជនជំនាន់ថ្មី ត្រូវខិតខំយកចិត្តទុកដាក់ស្តាប់ក្រេបយកចំណេះដឹងទាំងនេះ ដើម្បីប្រែក្លាយទៅជាស្នាដៃសិល្បៈឲ្យមានគុណភាព សម្រាប់បម្រើការកំសាន្ត ការអប់រំ និងចេះប្រើប្រាស់ធនធានសិល្បៈសម្រាប់បម្រើឲ្យសក្តានុពលសេដ្ឋកិច្ចផង ហើយនឹងដើម្បីពង្រឹងអត្តសញ្ញាណវប្បធម៌ជាតិរបស់យើងផង ស្របតាមស្មារតី “រួមគិត រួមធ្វើ រួមការពារ” ដើម្បីអនាគត និងភាពរុងរឿងនៃជាតិយើងទាំងមូល។
ជាទីបញ្ចប់ក្នុងនាម លោកជំទាវរដ្ឋមន្ត្រី និងក្នុងនាមឯកឧត្តមផ្ទាល់ សូមថ្លែងអំណរគុណជាថ្មីម្តងទៀតចំពោះវត្តមានរបស់ ឯកឧត្តម លោកជំទាវ និងសិក្ខាកាមទាំងអស់ ដែលមានវត្តមាននាពេលនេះ និងសូមជូនពរ ឯកឧត្តម លោកជំទាវ លោក លោកស្រី សិស្ស និស្សិត សមាជិក សមាជិកាទាំងអស់នៃវគ្គបណ្តុះបណ្តាលនាពេលនេះ សូមប្រកបដោយពុទ្ធពរទាំងឡាយបួនប្រការគឺ: អាយុ វណ្ណៈ សុខៈ ពលៈ កុំបីឃ្លៀងឃ្លាតឡើយ និងសូមប្រកាសបើកវគ្គបណ្តុះបណ្តាលអ្នកបង្កើតស្នាដៃសិល្បៈយុវជន ចាប់ពីពេលនេះតទៅ៕
ព័ត៌មានផ្សេងៗ
-
ពិធីបិទសន្និបាតបូកសរុបការងារវប្បធម៌និងវិចិត្រសិល្ប: ឆ្នាំ២០១៥ និងលើកទិសដៅការងារ ឆ្នាំ២០១៦
ពិធីបិទសន្និបាតបូកសរុបការងារវប្បធម៌និងវិចិត្រសិល្ប: ឆ្នាំ២០១៥ និងលើកទិសដៅការងារ ឆ្នាំ២០១៦ របស់ក្រសួងវប្បធម៌និងវិចិត្រសិល្ប: ក្រោមអធិបតីភាព ឯកឧត្តម វ៉ា គឹមហុង ទេសរដ្ឋមន្ត្រីទទួលបន្ទុកបេសកកម្មពិសេស និងជាប្រធានគណ:កម្មការកិច្ចការព្រំដែន>>>>
-
ពិធីបើកសន្និបាតបូកសរុបការងារវប្បធម៌និងវិចិត្រសិល្ប: ឆ្នាំ២០១៥ និងលើកទិសដៅការងារ ឆ្នាំ២០១៦
ពិធីបើកសន្និបាតបូកសរុបការងារវប្បធម៌និងវិចិត្រសិល្ប: ឆ្នាំ២០១៥ និងលើកទិសដៅការងារ ឆ្នាំ២០១៦ ក្រោមអធិបតីភាព លោកជំទាវ ភឿង សកុណា រដ្ឋមន្ត្រីក្រសួងវប្បធម៌និងវិចិត្រសិល្ប: >>>
-
ពិធីចុះហត្ថលេខាលើអនុសារណៈនៃការយោគយល់គ្នា (MOU) រវាងក្រសួងវប្បធម៌និងវិចិត្រសិល្បៈ និង School of Oriental and African Studies (SOAS) នៃសាកលវិទ្យាល័យ London
នារសៀលថ្ងៃទី២១ ខែធ្នូ ឆ្នាំ២០១៥ នៅក្រសួងវប្បធម៌និងវិចិត្រសិល្បៈ មានរៀបចំពិធីចុះហត្ថលេខាលើអនុសារណៈនៃការយោគយល់គ្នា (MOU) រវាងក្រសួងវប្បធម៌និងវិចិត្រសិល្បៈ និង School of Oriental and African Studies (SOAS) នៃសាកលវិទ្យាល័យ London >>>>
-
ពិធីជួបសំណេះសំណាលជាមួយសិស្សសាលាសៀកសាលាមធ្យមវិចិត្រសិល្ប:នៃក្រសួងវប្បធម៌និងវិចិត្រសិល្ប:
ពិធីជួបសំណេះសំណាលជាមួយសិស្សសាលាសៀកសាលាមធ្យមវិចិត្រសិល្ប:នៃក្រសួងវប្បធម៌និងវិចិត្រសិល្ប: ក្រោមអធិបតីភាព លោកជំទាវរដ្ឋមន្ត្រី នៅបន្ទប់ព្រះវិហារទីស្តីការក្រសួងវប្បធម៌និងវិចិត្រសិល្ប:>>>>>