ច្បាប់និងបទដ្ឋាន 
សម័យ សង្គមរាស្ត្រនិយមការងារវប្បធម៌ស្ថិត នៅក្រោម ឱវាទក្រសួងសិក្សាធិការ (ក្រសួងអប់រំ)។
សម័យសាធារណរដ្ឋខ្មែរ ទីស្ដីការក្រសួង ត្រូវបានបង្កើតឡើង ដែលមានទីតាំងស្ថិតនៅក្នុងព្រះបរមរាជវាំង ដឹកនាំដោយ លោក អ៊ុំ សាមុត ជារដ្ឋមន្ត្រី។
សម័យសាធារណរដ្ឋប្រជាមានិតកម្ពុជា ទីស្ដីការក្រសួងត្រូវបានបង្កើតឡើងជាថ្មី ដែលមានឈ្មោះថា ក្រសួងឃោសនាការ វប្បធម៌ និងព័ត៌មាន មានទីតាំងនៅជ្រុងផ្លូវលេខ ១៨០។ ដឹកនាំដោយ សមមិត្ត កែវ ចិន្តា ជារដ្ឋមន្រ្តី។
ចំនួនអ្នកកំពុងទស្សនា 28 នាក់
ចំនួនអ្នកទស្សនា ថ្ងៃនេះ 237606 នាក់
ចំនួនអ្នកទស្សនា ថ្ងៃម្សិល 251137 នាក់
ចំនួនអ្នកទស្សនា សរុប 9063699 នាក់
- សេចក្តីជូនដំណឹងស្តីពីការប្រឡងជ្រើសរើសសិស្ស និស្សិត និងមន្ត្រីរាជការ ចូលបម្រើការងារក្នុងក្របខណ្ឌក្រសួងវប្បធម៌ និងវិចិត្រសិល្បៈឆ្នាំ២០១៩
សិក្ខាសាលាជាតិសិទ្ធិអ្នកនិពន្ធស្ដីពីការបង្កើតថ្មី និងការអភិវឌ្ឍន៍
ថ្ងៃ ព្រហស្បតិ៍ ទី ០៨ ខែ ឧសភា ឆ្នាំ ២០១៤
កាលពីព្រឹកថ្ងៃទី០៨ ខែឧសភា ឆ្នាំ២០១៤ វេលាម៉ោង០៩.០០នាទី នៅទីស្តីការក្រសួង វប្បធម៌និងវិចិត្រសិល្បៈ មានបើកវគ្គសិក្ខាសាលាជាតិស្តីពីសិទ្ធិអ្នកនិពន្ធក្នុងប្រធានបទៈ កាបង្កើតថ្មី និងការអភិវឌ្ឍន៍ រយៈពេលពីរថ្ងៃ ក្រោមអធិបតីភាព ឯកឧត្តម សោម សុគន្ធ រដ្ឋលេខាធិការក្រសួងវប្បធម៌និងវិចិត្រសិល្បៈ។
ចូលរួមក្នុងឱកាសនោះ ឯកឧត្តមរដ្ឋលេខាធិការ បានមានប្រសាសន៍បញ្ជាក់ថា៖ ក្នុងនាមឯកឧត្តមផ្ទាល់តំណាងដ៏ខ្ពស់ខ្ពស់ លោកជំទាវរដ្ឋមន្ត្រី ក្រសួងវប្បធម៌និងវិចិត្រសិល្បៈ ក្នុងឱកាសបើកសិក្ខាសាលាជាតិស្តីពីសិទ្ធិអ្នកនិពន្ធក្នុងប្រធានបទៈ ការបង្កើតថ្មី និងការអភិវឌ្ឍន៍ រៀបចំឡើងដោយក្រសួងវប្បធម៌និងវិចិត្រសិល្បៈ សហការរៀបចំដោយអង្គការកម្មសិទ្ធិបញ្ញាពិភពលោក ក្រសួងវប្បធម៌និងវិចិត្រសិល្បៈនៃព្រះរាជាណាចក្រកម្ពុជា និងឧបត្ថម្ភដោយការិយាល័យសិទ្ធិអ្នកនិពន្ធនៃប្រទេសជប៉ុន។
ក្នុងនាមលោកជំទាវរដ្ឋមន្ត្រីក្រសួងវប្បធម៌និងវិចិត្រសិល្បៈ ឯកឧត្តមរដ្ឋលេខាធិការសម្តែងនូវការអបអរសាទរ និងសូមស្វាគមន៍យ៉ាងកក់ក្តៅចំពោះវត្តមាន លោក TAKAMASA TANIMURA តំណាងអង្គការកម្មសិទ្ធិបញ្ញាពិភពលោក លោក Tomonari Ogiwara ប្រធានផ្នែកនៃនាយកដ្ឋានកិច្ចការអន្តរជាតិ ភ្ងាក់ងារសម្រាប់កិច្ចការវប្បធម៌ទីក្រុងតូក្យូនៃប្រទេសជប៉ុន លោក Kai Yamaguchi ប្រធានផ្នែកយុទ្ធសាស្ត្រអន្តរជាតិនៃនាយកដ្ឋានទំនាក់ទំនងអន្តរជាតិនៃប្រទេសជប៉ុន លោក G.R RAGHAVENDER មន្ត្រីចុះបញ្ជីផ្នែកសិទ្ធិអ្នកនិពន្ធនាយកដ្ឋានឧត្តមសិក្សាក្រសួងអភិវឌ្ឍន៍ធនធានមនុស្សទីក្រុងញូដាលី នៃសាធារណៈរដ្ឋឥណ្ឌា ដែលបានឆ្លៀតឱកាសដ៏មមាញឹកអញ្ជើញចូលរួមផ្តល់បទឧទ្ទេសនាម និងបទបង្ហាញពន្យល់ក្នុងសិក្ខាសាលាជាតិស្តីពីសិទ្ធិអ្នកនិពន្ធ ការបង្កើតថ្មី និងការអភិវឌ្ឍន៍ នៅព្រះរាជាណាចក្រកម្ពុជានាពេលនេះ។
ជាមួយនេះដែរ ឯកឧត្តមរដ្ឋលេខាធិការ សូមថ្លែងអំណរគុណយ៉ាងជ្រាលជ្រៅចំពោះកិច្ចសហការ និងការជួយឧបត្ថម្ភរបស់ លោក លោកស្រីទាំងអស់ ក្នុងអង្គសិក្ខាសាលាជាតិដ៏មានសារៈសំខាន់នាពេលនេះ និងសូមឲ្យបានប្រកបដោយសុវត្ថិភាពនិងសេចក្តីសប្បាយរីករាយក្នុងឱកាសស្នាក់នៅលើទឹកដីនៃព្រះរាជាណាចក្រកម្ពុជា។
ទន្ទឹមនេះ ឯកឧត្តមសូមកោតសរសើរដោយស្មោះចំពោះ លោក លោកស្រី អ្នកនាងកញ្ញាជាមន្ត្រីរាជការ ផលិតករ សិល្បករ សិល្បការិនី អ្នកនិពន្ធ ម្ចាស់សិទ្ធិ និងអាជីវករទាំងអស់ ដែលបានអញ្ជើញចូលរួមស្វែងយល់និងដកស្រង់បទពិសោធន៍អំពីសារៈប្រយោជន៍នៃសិទ្ធិអ្នកនិពន្ធ ការបង្កើតថ្មី និងការអភិវឌ្ឍន៍របស់បណ្តាប្រទេសជឿនលឿននៅលើពិភពលោក ដែលនឹងធ្វើបទបង្ហាញពន្យល់យ៉ាងល្អិតល្អន់ដោយវាគ្មិនជាតិ និងអន្តរជាតិក្នុងសិក្ខាសាលាជាតិរយៈពេលពីរថ្ងៃនេះ។
ឆ្លងតាមការបើកសិក្ខាសាលាជាតិស្តីពីសិទ្ធិអ្នកនិពន្ធក្នុងប្រធានបទការបង្កើតថ្មីៗ បទពិសោធន៍ល្អៗ សម្រាប់ជាគន្លឹះជូនលោក លោកស្រី អ្នកនាងកញ្ញាទាំងអស់ក្នុងការអនុវត្តន៍សិទិ្ធអ្នកនិពន្ធឲ្យទទួលបានលទ្ធផលដ៏ល្អប្រសើរ។ ឯកឧត្តមរដ្ឋលេខាធិការ សំណូមពរដល់លោក លោកស្រី អ្នកនាងកញ្ញាទាំងអស់ត្រូវចាប់អារម្មណ៍លើចំណុចសំខាន់ៗមួយចំនួនដូចជាៈ ការអនុវត្តន៍ច្បាប់ ការគ្រប់គ្រងសិទ្ធិ និងសូមស្នើសមាជិកសមាជិការនៃអង្គសិក្ខាសាលាទាំងមូល លើកឡើងជាសំណួរឲ្យបានច្រើនជូនលោកវាគ្មិនជាតិនិងអន្តរជាតិ ធ្វើការបកស្រាយពន្យល់បន្ថែម ដើម្បីឲ្យកាន់តែមានការយល់ដឹងស៊ីជម្រៅស្តីពីអ្នកនិពន្ធ ការបង្កើតស្ថាដៃថ្មី ជាពិសេសលើសេចក្តីព្រាងអនុក្រឹត្យស្តីពីការបង្កើតអង្គភាពគ្រប់គ្រងសិទ្ធិរួម។
តាមរយៈសិក្ខាសាលានេះ ឯកឧត្តមរដ្ឋលេខាធិការ សង្ឃឹមថា យើងទាំងអស់គ្នានឹងទទួលបានចំណេះដឹងថ្មីៗជាច្រើនទៀត ហើយយកចំណេះដឹងទាំងនោះទៅប្រតិបត្តិជាក់ស្តែងនិងផ្សព្វផ្សាយបន្ត ដើម្បីលើកទឹកចិត្តដល់អ្នកនិពន្ធម្ចាស់សិទ្ធិ សិល្បករ សិល្បការិនី ព្រមទាំងផលិតករឲ្យខិតខំបង្កើតនិងផលិតស្នាដៃវប្បធម៌ថ្មីៗច្រើនទៀត ស្របតាមទិសដៅយុទ្ធសាស្ត្រចតុកោណដំណាក់កាលទី៣ របស់រាជរដ្ឋាភិបាលដែលមាន សម្តេចអគ្គមហាសេនាបតីតេជោ ហ៊ុន សែន ជាប្រមុខរាជរដ្ឋាភិបាលដែលប្រកបដោយកិត្យានុភាព និងគតិបណ្ឌិតក្នុងការដឹកនាំ។
ដើម្បីសម្រេចទៅដល់គោលដៅនេះ យើងត្រូវរួមដៃគ្នាទប់ស្កាត់ការពាររាល់ការរំលោភបំពានលើសិទ្ធិអ្នកនិពន្ធ និងម្ចាស់សិទ្ធិ ដើម្បីលើកទឹកចិត្តដល់ការបង្កើតស្នាដៃថ្មីឲ្យកាន់តែមានក្តីសង្ឃឹម និងគតិយុត្តិក្នុងការការពារកម្មសិទ្ធិបញ្ញារបស់ខ្លួន។
ជាថ្មីម្តងទៀត ក្នុងនាម លោកជំទាវរដ្ឋមន្ត្រី ក្រសួងវប្បធម៌និងវិចិត្រសិល្បៈ ឯកឧត្តមរដ្ឋលេខាធិការ សូមសម្តែងនូវការកោតសរសើរ និងសូមថ្លែងអំណរគុណយ៉ាងជ្រាលជ្រៅបំផុត ចំពោះតំណាងអង្គការកម្មសិទ្ធិបញ្ញាពិភពលោក (WIPO) គណៈវាគ្មិន មន្ត្រីនាយកដ្ឋានសិទ្ធិអ្នកនិពន្ធ និងសិទ្ធិប្រហាក់ប្រហែលនៃក្រសួងវប្បធម៌និងវិចិត្រសិល្បៈ ព្រមទាំងសិក្ខាកាមទាំងអស់ដែលបានអញ្ជើញចូលរួមក្នុងអង្គសិក្ខាសាលានេះ។
ឯកឧត្តមរដ្ឋលេខាធិការ សូមជូនពរឲ្យអង្គសិក្ខាសាលាទាំងមូលបានប្រព្រឹត្តទៅដោយជោគជ័យ និងសូមប្រសិទ្ធិពរបវរមហាប្រសើរជូនចំពោះលោកជាគណៈវាគ្មិន ជាសិក្ខាកាម និងភ្ញៀវកិត្តិយសជាតិ និងអន្តរជាតិ សូមប្រកបដោយជោគជ័យ សេរីមង្គល និងវិបុលសុខ និងសូមប្រកាសបើកអង្គសិក្ខាសាលាស្តីពីសិទ្ធិអ្នកនិពន្ធក្នុងប្រធានបទៈ ការបង្កើតថ្មី និងការអភិវឌ្ឍន៍ ចាប់ពីពេលនេះតទៅ៕
ព័ត៌មានផ្សេងៗ
-
ពិធីបិទសន្និបាតបូកសរុបការងារវប្បធម៌និងវិចិត្រសិល្ប: ឆ្នាំ២០១៥ និងលើកទិសដៅការងារ ឆ្នាំ២០១៦
ពិធីបិទសន្និបាតបូកសរុបការងារវប្បធម៌និងវិចិត្រសិល្ប: ឆ្នាំ២០១៥ និងលើកទិសដៅការងារ ឆ្នាំ២០១៦ របស់ក្រសួងវប្បធម៌និងវិចិត្រសិល្ប: ក្រោមអធិបតីភាព ឯកឧត្តម វ៉ា គឹមហុង ទេសរដ្ឋមន្ត្រីទទួលបន្ទុកបេសកកម្មពិសេស និងជាប្រធានគណ:កម្មការកិច្ចការព្រំដែន>>>>
-
ពិធីបើកសន្និបាតបូកសរុបការងារវប្បធម៌និងវិចិត្រសិល្ប: ឆ្នាំ២០១៥ និងលើកទិសដៅការងារ ឆ្នាំ២០១៦
ពិធីបើកសន្និបាតបូកសរុបការងារវប្បធម៌និងវិចិត្រសិល្ប: ឆ្នាំ២០១៥ និងលើកទិសដៅការងារ ឆ្នាំ២០១៦ ក្រោមអធិបតីភាព លោកជំទាវ ភឿង សកុណា រដ្ឋមន្ត្រីក្រសួងវប្បធម៌និងវិចិត្រសិល្ប: >>>
-
ពិធីចុះហត្ថលេខាលើអនុសារណៈនៃការយោគយល់គ្នា (MOU) រវាងក្រសួងវប្បធម៌និងវិចិត្រសិល្បៈ និង School of Oriental and African Studies (SOAS) នៃសាកលវិទ្យាល័យ London
នារសៀលថ្ងៃទី២១ ខែធ្នូ ឆ្នាំ២០១៥ នៅក្រសួងវប្បធម៌និងវិចិត្រសិល្បៈ មានរៀបចំពិធីចុះហត្ថលេខាលើអនុសារណៈនៃការយោគយល់គ្នា (MOU) រវាងក្រសួងវប្បធម៌និងវិចិត្រសិល្បៈ និង School of Oriental and African Studies (SOAS) នៃសាកលវិទ្យាល័យ London >>>>
-
ពិធីជួបសំណេះសំណាលជាមួយសិស្សសាលាសៀកសាលាមធ្យមវិចិត្រសិល្ប:នៃក្រសួងវប្បធម៌និងវិចិត្រសិល្ប:
ពិធីជួបសំណេះសំណាលជាមួយសិស្សសាលាសៀកសាលាមធ្យមវិចិត្រសិល្ប:នៃក្រសួងវប្បធម៌និងវិចិត្រសិល្ប: ក្រោមអធិបតីភាព លោកជំទាវរដ្ឋមន្ត្រី នៅបន្ទប់ព្រះវិហារទីស្តីការក្រសួងវប្បធម៌និងវិចិត្រសិល្ប:>>>>>