រសៀលថ្ងៃអាទិត្យ ៨រោច ខែភទ្របទ ឆ្នាំមមី អដ្ឋស័ក ព.ស.២៥៧០ ត្រូវនឹងថ្ងៃទី៤ ខែតុលា ឆ្នាំ២០២៦ បិណ្ឌ៨ ឯកឧត្តម ហាប់ ទូច រដ្ឋលេខាធិការប្រចាំការ តំណាងដ៏ខ្ពង់ខ្ពស់លោកជំទាវបណ្ឌិតសភាចារ្យ ភឿង សកុណា រដ្ឋមន្ត្រីក្រសួងវប្បធម៌និងវិចិត្រសិល្បៈ បានអញ្ជើញជាអធិបតីក្នុងពិធីក្រុងពាលី និងសែនព្រេន ដើម្បីសុំម្ចាស់ទឹកម្ចាស់ដី រៀបចំពិធីបុណ្យកាន់បិណ្ឌ-ភ្ជុំបិណ្ឌ នៅសារមន្ទីរឧក្រិដ្ឋកម្មប្រល័យពូជសាសន៍ទួលស្លែង ដែលនឹងប្រព្រឹត្តទៅនៅព្រឹកថ្ងៃទី៥ ខែតុលា ឆ្នាំ២០២៦។

កិច្ចប្រជុំនេះ មានគោលបំណងពិភាក្សាអំពីបញ្ហាប្រឈមនានា ជាពិសេសបញ្ហាទីផ្សារ និងកម្មសិទ្ធិបញ្ញាពាក់ព័ន្ធនឹងតម្បាញសូត្រខ្មែរ ព្រមទាំងពិនិត្យ និងសិក្សាអំពីលទ្ធភាពនៃការដាក់ចេញនូវវិធានការការពារសមស្រប ដើម្បីលើកតម្លៃ និងកិត្យានុភាពនៃតម្បាញសូត្រខ្មែរ។

កាលពីថ្ងៃទី២៧កញ្ញា ដល់ថ្ងៃទី១ ខែតុលា ឆ្នាំ២០២៦ តំណាងអ្នកជំនាញបេតិកភណ្ឌពិភពលោកកម្ពុជាពីររូបមកពីអាជ្ញាធរជាតិព្រះវិហារ និងអាជ្ញាធរជាតិសំបូរព្រៃគុក ក្រោមកិច្ចសហការនិងស្របសម្រួលពីគណៈកម្មការជាតិយូណេស្កូកម្ពុជា​បានអញ្ជើញចូលរួម កិច្ចសន្ទនាថ្នាក់តំបន់ស្ដីពី “ Asia-Pacific Dialogue on Heritage and Authenticity” នៅទីក្រុងហាណូយ និងនិញប៊ិញ នៃសាធារណរដ្ឋសង្គមនិយមវៀតណាម។

អាជ្ញាធរ​ជាតិ​អប្សរា​ បាន​ប្រារព្ធ​ពិធី​ប្រោះព្រំ​ភ្ជាប់​ព្រះសិរនិង​បើក​ព្រះនេត្រ​ចម្លាក់​ទេព​ចំនួន​២​ ​​ក្រោម​យុទ្ធ​នា​ការ “ព្រលឹងត្រឡប់​មក​ទីតាំង​ដើម​វិញ​” នៅ​ខ្លោងទ្វារ​ជ័យ នៃក្រុង​អង្គរ​ធំ​ នា​ព្រឹក​ថ្ងៃ​ទី​១ ខែតុលា ឆ្នាំ​២០២៦​។ ពិធី​ភ្ជាប់​ព្រះ​សិរនិង​បើក​ព្រះ​នេត្រ​ចម្លាក់​ទេព​​នេះ បានប្រព្រឹត្តទៅ​ក្រោម​អធិបតី​ភាពលោក​ជំទាវ​បណ្ឌិត​សភា​ចារ្យ​ ភឿង​ សកុណា​ រដ្ឋ​មន្ត្រី​ក្រសួង​វប្បធម៌​និង​វិចិត្រ​សិល្បៈ​ និង​ជា​ប្រធាន​ក្រុម​ប្រឹក្សា​​ភិបាល​នៃ​អាជ្ញាធរ​ជាតិ​អប្សរា ​ដោយ​មាន​ការ​និមន្ត​ចូល​រួម​ពី​សម្ដេច​ព្រះព្រហ្មរតនមុនី ពិន សែម​ លោក ​Flavio ​BONETTI ​តំណាង​អង្គការ UNESCO ប្រចាំ​កម្ពុជា ​​លោក​ស្រី ​​Katherine Diop​ ប្រធាន​ផ្នែក​កិច្ចការ​សាធារណៈ​នៃ​ស្ថានទូត​អាមេរិក​ប្រចាំ​កម្ពុជា ថ្នាក់​ដឹកនាំ​ក្រសួង​វប្បធម៌ និង​វិចិត្រសិល្បៈ ​អគ្គនាយក​ អគ្គនាយក​រង តំណាងរដ្ឋបាលខេត្តសៀមរាប ​ថ្នាក់​ដឹកនាំ​នៃ​អាជ្ញាធរ​ជាតិ​​​អប្សរា និង​មន្ត្រី​​-​បុគ្គលិក​ជា​ច្រើន​រូប​ទៀត​។​

កាលពីល្ងាចថ្ងៃទី៣០​ ខែកញ្ញា ឆ្នាំ២០២៦​ លោកជំទាវបណ្ឌិតសភាចារ្យ ភឿង សកុណា រដ្ឋមន្ត្រីក្រសួងវប្បធម៌និងវិចិត្រសិល្បៈបានអញ្ជើញមកថ្វាយបង្គំព្រះអង្គចេកព្រះអង្គចមដើម្បីបួងសួងសុំសេចក្ដីសុខចម្រើន។ ជាមួយគ្នានោះលោកជំទាវបណ្ឌិតសភាចារ្យក៏បានជួបសំណេះសំណាលជាមួយនិស្សិតអូស្ដ្រាលីដែលបានធ្វើដំណើរទស្សនកិច្ចនៅកម្ពុជាផងដែរ។

នាព្រឹកថ្ងៃព្រហស្បតិ៍ ៥រោច ខែភទ្របទ ឆ្នាំមមី អដ្ឋស័ក ព.ស.២៥៧០ ត្រូវនឹងថ្ងៃទី១ ខែតុលា ឆ្នាំ២០២៦ នាយកដ្ឋានសិល្បៈទស្សនីយភាព នៃក្រសួងវប្បធម៌ និងវិចិត្រសិល្បៈ បានរៀបចំពិធីបើក «មហោស្រពល្ខោននិយាយទូទាំងប្រទេស ឆ្នាំ២០២៦» ក្រោមអធិបតីភាព ឯកឧត្តម ហាប់ ទូច រដ្ឋលេខាធិការប្រចាំការ និងជាតំណាងដ៏ខ្ពង់ខ្ពស់ លោកជំទាវបណ្ឌិតសភាចារ្យ ភឿង សកុណា រដ្ឋមន្ត្រីក្រសួងវប្បធម៌ និងវិចិត្រសិល្បៈ។