នាថ្ងៃទី១២​ ខែកញ្ញា​ ឆ្នាំ២០២៦ លោកជំទាវបណ្ឌិតសភាចារ្យ​ ភឿង​ សកុណា​ រដ្ឋមន្រ្តីក្រសួងវប្បធម៌​និងវិចិត្រសិល្បៈ​ អមដំណើរដោយថ្នាក់ដឹកនាំ និងមន្រ្តីរាជការក្រសួង​ បានអញ្ជើញចុះសួរសុខទុក្ខ​ និងនាំយកគ្រឿងឧបភោគ​បរិភោគ​ ទៅជូនដល់កងកម្លាំងវរសេនាតូចនគរបាលការពារព្រំដែនគោកលេខ​៧៩៥​ ខេត្តព្រះវិហារ​ និងកងកម្លាំងវរសេនាតូចនគរបាលការពារព្រំដែនគោកលេខ​៩០៥​ ខេត្តឧត្ដរមានជ័យ​ ដែលកំពុងឈរជើងការពារខ្សែបន្ទាត់ព្រំដែន។

នាថ្ងៃទី១០ ខែកញ្ញា ឆ្នាំ២០២៦ នៅសាកលវិទ្យាល័យភូមិន្ទវិចិត្រសិល្បៈ ឯកឧត្តម វង្សុី វិសុទ្ធ ឧបនាយករដ្ឋមន្ត្រីប្រចាំការ រដ្ឋមន្ត្រីទទួលបន្ទុកទីស្តីការគណ:រដ្ឋមន្ត្រី អមដំណើរដោយលោកជំទាវបណ្ឌិតសភាចារ្យ ភឿង សកុណា រដ្ឋមន្ត្រីក្រសួងវប្បធម៌ និងវិចិត្រសិល្បៈ បានអញ្ជើញចុះពិនិត្យ និងលើកទឹកចិត្ត ដល់សិល្បករសិល្បការិនីដែលកំពុងហាត់សម សំរាប់ការត្រៀមសម្តែងសិល្បៈស្វាគមន៍សន្និសិទអន្តរជាតិ ស្តីពីការប្រយុទ្ធប្រឆាំងនឹងការឆបោកតាមប្រពន្ធ័ព័ត៌មានវិទ្យា ដែលគ្រោងនឹងប្រព្រឹត្តទៅនាថ្ងៃទី២៣ ខែកញ្ញា ឆ្នាំ២០២៦ ដែលកម្ពុជាធ្វើជាម្ចាស់ផ្ទះរៀបចំ។

នារសៀលថ្ងៃទី១០ ខែកញ្ញា ឆ្នាំ២០២៦ លោកជំទាវបណ្ឌិតសភាចារ្យ ភឿង សកុណា រដ្ឋមន្ត្រីក្រសួងវប្បធម៌ និងវិចិត្រសិល្បៈ បានទទួលជួប ឯកឧត្តម Akbar Ghasemi Aliabadi ឯកអគ្គរដ្ឋទូតតែងតាំងថ្មី នៃសាធារណរដ្ឋឥស្លាមអ៉ីរ៉ង់ ប្រចាំកម្ពុជា (Islamic Republic of Iran) ដែលមាននិវេសនដ្ឋាននៅទីក្រុងហាណូយ ដើម្បីសម្តែងការគួរសម និងពិភាក្សាការងារ។

ថ្ងៃអង្គារ ១២រោច ខែស្រាពណ៌ ឆ្នាំមមី អដ្ឋស័ក ពុទ្ធសករាជ ២៥៧០ ត្រូវនឹងថ្ងៃទី៩ ខែកញ្ញា ឆ្នាំ២០២៦ នាយកដ្ឋានអភិរក្ស និងបុរាណវិទ្យា នៃអាជ្ញាធរជាតិព្រះវិហារ ដឹកនាំដោយលោក ភិន ភក្ដី អនុប្រធាននាយកដ្ឋានអភិរក្សនិងបុរាណវិទ្យា និងមានការចូលរួមពីមន្ត្រីបច្ចេកទេសនិងពលករជំនាញ បានរៀបចំពិធីសែនព្រេនសុំសេចក្តីសុខដើម្បីបន្តអនុវត្តគម្រោងអភិរក្ស និងជួសជុលប្រាសាទបល្ល័ង្កត្បូងដំណាក់កាលបញ្ចប់។ គម្រោងនេះអនុវត្តការងារធំៗចំនួនពីរគឺ ១)ជួសជុលគ្រឹះបល្ល័ង្កតាមបច្ចេកទេសបុរាណដើម្បីឱ្យមានភាពរឹងមាំ និង២)ផ្គុំបល្ល័ង្ក ប្រតិមាលិង្គ និងស្នាណទ្រោនីនៅទីតាំងដើមវិញ។