ប្លង់ថតស្អាតៗជាប់កំពូល៥ ប្រាសាទអង្គរវត្តចំនួន២ ទីតាំង ដែលភ្ញៀវទេសចរមិនគួររំលងពេលមកលេងអង្គរវត្ត។ ប្លង់ថតទី១ ស្ថិតនៅជ្រុងខាងលិចឆៀងខាងត្បូង នៃកសិន្ធុអង្គរវត្ត និងប្លង់ទី២ ស្ថិតនៅខាងលិចឆៀងខាងជើង នៃកសិន្ធុអង្គរវត្ត។ នេះជាចំណុចពិសេសមួយ ដែលភ្ញៀវទេសចរអាចឈរថតជាលក្ខណៈដៃគូ និងក្រុមគ្រួសារ អមដោយរុក្ខជាតិពណ៌បៃតងនារដូវវស្សា ហើយជាអនុស្សាវរីយ៍ដ៏មានអត្ថន័យ៕

ព្រឹកថ្ងៃទី៨ ខែកញ្ញា ឆ្នាំ២០២៦ សាលសន្និសីទអង្គរ ទីស្នាក់ការអាជ្ញាធរជាតិអប្សរា បានរៀបចំសិក្ខាសាលាស្តីពី «អង្គរ និងបរិស្ថាន» ក្រោមអធិបតីភាពនៃការបើកសិក្ខាសាលាដោយឯកឧត្តម សុខ លក្ខិណា ជាប្រធានប្រព័ន្ធគ្រប់គ្រងបរិស្ថាន-អង្គរ និងមានការអញ្ជើញចូលរួមធ្វើបទបង្ហាញដោយ លោក អ៊ុន មណីនីតា អង្គភាពប្រព័ន្ធគ្រប់គ្រងបរិស្ថានអង្គរ លោក ណន តូនី អនុប្រធានការិយាល័យនាយកដ្ឋានសណ្តាប់ធ្នាប់ និងលោក ទៀវ វិចិត្រ អនុប្រធានការិយាល័យ នាយកដ្ឋានគ្រប់គ្រងដីធ្លី បេតិកភណ្ឌក្រុងនិងសហគមន៍។

នាថ្ងៃទី១០ ខែកញ្ញា ឆ្នាំ២០២៦ ឯកឧត្តម ហាប់ ទូច រដ្ឋលេខាធិការប្រចាំការ តំណាងដ៏ខ្ពង់ខ្ពស់លោកជំទាវបណ្ឌិតសភាចារ្យ ភឿង សកុណា រដ្ឋមន្ត្រីក្រសួងវប្បធម៌ និងវិចិត្រសិល្បៈ បានទទួលជួប ឯកឧត្តម Takahashi Fumiaki ប្រធានសមាគមជប៉ុន-កម្ពុជា និងជាអតីតឯកអគ្គរាជទូតជប៉ុនប្រចាំកម្ពុជា ដើម្បីសម្តែងការគួរសម និងរាយការណ៍ជូនពីវឌ្ឍនភាពនៃកិច្ចសហប្រតិបត្តិការវប្បធម៌រវាងកម្ពុជា និងជប៉ុន ពិសេសក្នុងវិស័យភាពយន្ត នៅទីស្តីការក្រសួង។ ទន្ទឹមនឹងនេះ សមាគមកំពុងធ្វើការសម្របសម្រួលជាមួយស្ថានទូតជប៉ុនប្រចាំកម្ពុជា ដើម្បីពិនិត្យលទ្ធភាពក្នុងការផ្ដល់ជូនក្រសួងនូវឧបករណ៍សម្រាប់បំលែងភាពយន្តដុំហ្វីលចាស់ៗ មកជាឯកសារឌីជីថល ដើម្បីប្រើប្រាស់ក្នុងការអភិរក្សនិងអភិវឌ្ឍឯកសារភាពយន្ត។

នាព្រឹកថ្ងៃទី០៩ ខែកញ្ញា ឆ្នាំ២០២៦ ឯកឧត្តម សែន កុសល អនុរដ្ឋលេខាធិការ និងជាតំណាងដ៏ខ្ពង់ខ្ពស់ លោកជំទាវបណ្ឌិតសភាចារ្យ ភឿង សកុណា រដ្ឋមន្ត្រីក្រសួងវប្បធម៌ និងវិចិត្រសិល្បៈ អញ្ជើញបើកសិក្ខាសាលាស្តីពី “សវនកម្មលើគម្រោងហិរញ្ញបទ្បទានពីដៃគូអភិវឌ្ឍន៍” នៅទីស្ដីការក្រសួងវប្បធម៌និងវិចិត្រសិល្បៈ ដោយមានការចូលរួមពីថ្នាក់ដឹកនាំ និងមន្ត្រីជំនាញសវនកម្មផ្ទៃក្នុងនៃក្រសួងវប្បធម៌ និងវិចិត្រសិល្បៈ និងអង្គភាពពាក់ព័ន្ធ មន្ទីរវប្បធម៌ និងវិចិត្រសិល្បៈរាជធានី-ខេត្ត។

ថ្ងៃអង្គារ ១១រោច ខែស្រាពណ៌ ឆ្នាំមមី អដ្ឋស័ក ពុទ្ធសករាជ ២៥៧០ ត្រូវនឹងថ្ងៃទី០៨ ខែកញ្ញា ឆ្នាំ២០២៦ នាយកដ្ឋានអភិរក្ស និងបុរាណវិទ្យា នៃអាជ្ញាធរជាតិព្រះវិហារ ដឹកនាំដោយលោក ភិន ភក្ដី អនុប្រធាននាយកដ្ឋានអភិរក្សនិងបុរាណវិទ្យា​ និងមានការចូលរួមពីមន្ត្រីបច្ចេកទេសនិងពលករជំនាញ បានរៀបចំពិធីសែនព្រេនសុំសេចក្តីសុខដើម្បីបន្តអនុវត្តគម្រោងអភិរក្ស និងជួសជុលប្រាសាទក្រចាប់ ផ្នែករោងទងខាងត្បូង នៃខ្លោងទ្វាចូលខាងលិច។ គម្រោងនេះអនុវត្តការងារធំៗចំនួនពីរគឺ ១)ចងក្រងឯកសារបច្ចេកទេស និង២)ជួសជុលរោងទងដើម្បីបង្កើនភាពរឹងមាំឡើងវិញ។