នាព្រឹកថ្ងៃទី២៨ ខែសីហា ឆ្នាំ២០២៦ លោកជំទាវ ប៉ែន មុនីមករា រដ្ឋលេខាធិការ និងជាតំណាងដ៏ខ្ពង់ខ្ពស់ លោកជំទាវបណ្ឌិតសភាចារ្យ ភឿង សកុណា រដ្ឋមន្ត្រីក្រសួងវប្បធម៌ និងវិចិត្រសិល្បៈ បានអញ្ជើញជាអធិបតីក្នុងពិធីបើកសិក្ខាសាលាស្តីពី «ការរៀបចំរបាយការណ៍ និងការលើកស្ទួយបេតិកភណ្ឌវប្បធម៌អរូបីក្រោមអនុសញ្ញាអង្គការយូណេស្កូ ឆ្នាំ២០០៣» នៅទីស្ដីការក្រសួងវប្បធម៌និងវិចិត្រសិល្បៈ​ ដោយមានការចូលរួមពីថ្នាក់ដឹកនាំ និងមន្ត្រីជំនាញនៃក្រសួងវប្បធម៌ និងវិចិត្រសិល្បៈ តំណាងក្រសួង ស្ថាប័ន និងអង្គភាពពាក់ព័ន្ធ មន្ទីរវប្បធម៌ និងវិចិត្រសិល្បៈរាជធានី-ខេត្ត អ្នកជំនាញ អ្នកស្រាវជ្រាវ តំណាងសហគមន៍ម្ចាស់បេតិកភណ្ឌវប្បធម៌អរូបី មជ្ឈមណ្ឌល​សោតទស្សន៍​បុប្ផាណា​ ព្រមទាំងតំណាងអង្គការដៃគូអភិវឌ្ឍន៍ និងតំណាងយូណេស្កូភ្នំពេញ។

នាព្រឹកថ្ងៃទី២៧ ខែសីហា ឆ្នាំ២០២៦ អាជ្ញាធរជាតិព្រះវិហារ បានសហការជាមួយសហគមន៍ទេសចរណ៍ធម្មជាតិទំនប់អូរស្វាយ និងវេទិការសម្ព័ន្ធសង្គមស៊ីវិល រៀបចំកម្មវិធីអប់រំផ្សព្វផ្សាយជាសាធារណៈអំពី «ការអភិរក្ស និងការការពារជីវៈចម្រុះ» ដល់អ្នកចូលរួមសរុប៣២៩នាក់ក្នុងនោះមាន សមាជិកសហគមន៍ទេសចរណ៍ លោកគ្រូ អ្នកគ្រូ សិស្សានុសិស្ស នៅក្នុងភូមិធម្មជាតិសម្តេចតេជោហ៊ុន សែន ឃុំស្រអែម ស្រុកជាំក្សាន្ត ខេត្តព្រះវិហារ ក្រោមគម្រោង “ស្តារវិស័យទេសចរណ៍បន្ទាប់ពីវិបត្តិកូវីដ-១៩” ដែលគាំទ្រថវិកាដោយរដ្ឋាភិបាលជប៉ុន តាមរយៈធនាគាអភិវឌ្ឍន៍អាស៊ី។

ថ្ងៃសុក្រ ទី២៨ ខែសីហា ឆ្នាំ២០២៦ ឯកឧត្តម ប្រាក់ សុណ្ណារ៉ា រដ្ឋលេខាធិការ តំណាងដ៏ខ្ពង់ខ្ពស់លោកជំទាវបណ្ឌិតសភាចារ្យ ភឿង សកុណា រដ្ឋមន្រ្តីក្រសួងវប្បធម៌និងវិចិត្រសិល្បៈ បានអញ្ជើញជាអធិបតីភាព ជាមួយឯកឧត្តម ហែម ក្រាញ់ តូនី រដ្ឋលេខាធិការទីស្តីការគណៈរដ្ឋមន្ត្រី និងជាប្រធានរដ្ឋបាលស្តីទីនៃ អ.វ.ត.ក. ចូលរួមកម្មវិធីបិទសិក្ខាសាលាស្ដីពី “យុត្តិធម៌អន្តរកាល៖ កេរដំណែលរបស់អង្គជំនុំជម្រះវិសាមញ្ញក្នុងតុលាការកម្ពុជា និងបូជនីយដ្ឋានចងចាំនៃកម្ពុជា” សម្រាប់មគ្គុទ្ទេសក៍ទេសចរណ៍កម្ពុជាចំនួន ៤៥រូប នៅសារមន្ទីរទួលស្លែង។

នៅថ្ងៃទី២៨ ខែសីហា ឆ្នាំ២០២៦ នៅសណ្ឋាគារ Steigenberger អគារ Morgan កោះពេជ្រ រាជធានីភ្នំពេញ បានរៀបចំ សន្និសីទសារព័ត៌មាន ស្តីពីការប្ដូរឈ្មោះមហោស្រពភាពយន្តកម្ពុជាអាស៊ី (CAFF) មកជា «មហោស្រពភាពយន្តអន្តរជាតិភ្នំពេញ (Phnom Penh International Film Festival – PPIFF)» ដោយមានការចូលរួមពីតំណាងក្រសួង-ស្ថាប័នពាក់ព័ន្ធ គណៈកម្មការរៀបចំមហោស្រព សិល្បករ ផលិតករ អ្នកសារព័ត៌មាន និងភ្ញៀវកិត្តិយសជាតិនិងអន្តរជាតិ។

នាល្ងាចថ្ងៃទី២៧ ខែសីហា ឆ្នាំ២០២៦ លោកជំទាវបណ្ឌិតសភាចារ្យ ភឿង សកុណា រដ្ឋមន្ត្រីក្រសួងវប្បធម៌ និងវិចិត្រសិល្បៈ បានអញ្ជើញជាអធិបតីក្នុងពិធីកំរាលព្រំក្រហម និងចែកពានរង្វាន់មហោស្រពភាពយន្តកម្ពុជាអាសុីលើកទី៤ នៅសាលសន្និសីទចតុម្មុខ។ ក្នុងឱកាសមានវត្ងមានអញ្ជើញចូលរួមពីសំណាក់ ឯកឧត្ដម លោកជំទាវ លោក លោកស្រីជាថ្នាក់ដឹកនាំតំណាងក្រសួងស្ថាប័នពាក់ព័ន្ធ ផលិតករ អ្នកជំនាញ ក្នុងវិស័យភាពយន្ត សិល្បៈករសិល្បការិនី ជាតារាសម្តែងជាតិអន្តរជាតិ ប្រមាណ៦០០នាក់

នៅថ្ងៃទី២៧ ខែសីហា ឆ្នាំ២០២៦ ក្រសួងវប្បធម៌និងវិចិត្រសិល្បៈ និងក្រសួងមហាផ្ទៃ បានរៀបចំពិធីផ្សព្វផ្សាយគោលនយោបាយ “ភូមិ-ឃុំ-សង្កាត់មានសុវត្ថិភាព” ក្រោមអធិបតីឯកឧត្តម ស្រី សួន រដ្ឋលេខាធិការ តំណាងដ៏ខ្ពង់ខ្ពស់លោកជំទាវបណ្ឌិតសភាចារ្យរដ្ឋមន្ត្រីក្រសួងវប្បធម៌និងវិចិត្រសិល្បៈ និងឯកឧត្តម អ៊ូច ភាច រដ្ឋលេខាធិការក្រសួងមហាផ្ទៃ ដោយមានការចូលរួមពីឯកឧត្តម លោកជំទាវ ជាថ្នាក់ដឹកនាំ និងលោក លោកស្រី ជាមន្ត្រីរាជការថ្នាក់កណ្តាល និងថ្នាក់មន្ទីររាជធានី ខេត្ត សរុបចំនួន ១៨០នាក់។