ក្នុងឱកាសនេះ ឯកឧត្តមបានថ្លែងអបអរសាទរចំពោះសមិទ្ធផលរបស់ Legend Cinema ក្នុងរយៈពេល ១៥ឆ្នាំកន្លងមក ដែលបានចូលរួមយ៉ាងសកម្មក្នុងការអភិវឌ្ឍវិស័យភាពយន្តកម្ពុជា តាមរយៈការផ្តល់សេវាបញ្ចាំងភាពយន្តប្រកបដោយគុណភាព ការនាំយកបច្ចេកវិទ្យាទំនើប និងការបង្កើតបទពិសោធថ្មីសម្រាប់ទស្សនិកជន។

ដើម្បីចូលរួមអបអរសាទរ រុក្ខទិវា ៩ កក្កដា និងលើកកម្ពស់សោភណភាពបរិស្ថាន អាជ្ញាធរជាតិព្រះវិហារ សហការជាមួយអាជ្ញាធរមូលដ្ឋាន បានរៀបចំយុទ្ធនាការដាំកូនឈើរួមគ្នា ក្រោមប្រធានបទដ៏មានអត្ថន័យ៖ «រួមគ្នាដាំឈើដើម្បីបរិស្ថានស្រស់បំព្រងក្នុងសហគមន៍យើង»។

ដើម្បី​​ចូលរួមអបអរសាទររុក្ខទិវា នាថ្ងៃព្រហស្បតិ៍ ១០រោច ខែបឋមាសាឍ ឆ្នាំមមី អដ្ឋស័ក ពុទ្ធសករាជ ២៥៧០ ត្រូវនឹងថ្ងៃទី៩ ខែកក្កដា ឆ្នាំ២០២៦ អាជ្ញាធរជាតិព្រះវិហារ បានសហការជាមួយអង្គភាពពាក់ព័ន្ធ និងសហគមន៍មូលដ្ឋាន សរុបចំនួន ៥០នាក់ រៀបចំពិធីដាំកូនឈើ ចំនួន៥០០ដើម អមសងខាងផ្លូវចូលរមណីយដ្ឋានកោះកេរ។ កម្មវិធីនេះគឺជាផ្នែកមួយនៅក្នុងកិច្ចខិតខំប្រឹងប្រែង ក្នុងការគ្រប់គ្រងធនធានធម្មជាតិ និងស្តារព្រៃឈើឡើងវិញ ដើម្បីលើកកម្ពស់ទេសភាពនៅក្នុងរមណីយដ្ឋានកោះកេរ បង្កើនគម្របបៃតង ផ្តល់ជាម្លប់ និងបង្កើនភាពទាក់ទាញដល់ភ្ញៀវទេសចរជាតិ អន្តរជាតិដែលមកលេងកម្សាន្តក្នុងរមណីយដ្ឋាននេះផងដែរ។