ក្រសួងវប្បធម៌ និងវិចិត្រសិល្បៈ


លោកជំទាវបណ្ឌិតសភាចារ្យរដ្ឋមន្រ្តីទទួលជួបលោក Abderrahim Rahhaly ឯកអគ្គរាជទូតម៉ារ៉ុក និងលោក Rachid M’SFA, តំណាងក្រសួងយុវជន វប្បធម៌និងកីឡានៃព្រះរាជាណាចក្រម៉ារ៉ុក

,
លោកជំទាវបណ្ឌិតសភាចារ្យរដ្ឋមន្រ្តីទទួលជួបលោក Abderrahim Rahhaly ឯកអគ្គរាជទូតម៉ារ៉ុក និងលោក Rachid M’SFA, តំណាងក្រសួងយុវជន វប្បធម៌និងកីឡានៃព្រះរាជាណាចក្រម៉ារ៉ុក

នាថ្ងៃទី១១ ខែវិច្ឆិកា ឆ្នាំ២០២៦ នៅទីស្តីការក្រសួង លោកជំទាវបណ្ឌិតសភាចារ្យ ភឿង សកុណា រដ្ឋមន្ត្រីក្រសួងវប្បធម៌ និងវិចិត្រសិល្បៈបានទទួលជួបលោក Abderrahim RAHHALY ឯកអគ្គរាជទូតវិសាមញ្ញ និងពេញសមត្ថភាពនៃព្រះរាជាណាចក្រម៉ារ៉ុក និង លោក Rachid M’SFA តំណាងក្រសួងយុវជន វប្បធម៌ និងកីឡានៃព្រះរាជាណាចក្រម៉ារ៉ុក ដើម្បីសម្តែងការគួរសម និងពិភាក្សាការងារលើវិស័យវប្បធម៌ ក្នុងឱកាសដែលគណៈប្រភូសិល្បៈនៃក្រសួងយុវជន វប្បធម៌ និងកីឡានៃព្រះរាជាណាចក្រម៉ារ៉ុកមកសម្តែងសិល្បៈក្នុងទិវាវប្បធម៌ម៉ារ៉ុកនៅកម្ពុជាដើម្បីអបអរខួបលើកទី៣០នៃទំនាក់ទំនងការទូតកម្ពុជា-ម៉ារ៉ុក។

នៅក្នុងជំនួបនេះ ឯកឧត្តមឯកអគ្គរាជទូតបានសម្តែងនូវការអបអរសាទរចំពោះកម្ពុជាដែលធ្វើម្ចាស់ផ្ទះរៀបចំកិច្ចប្រជុំហ្រ្វង់កូហ្វូនីលើកទី២០។ បន្ថែមពីនោះទៀត ភាគីទាំងពីរប្តេជ្ញារួមគ្នាពង្រឹង និងពង្រីកកិច្ចសហប្រតិបត្តិការថ្មីៗបន្ថែមទៀតនាពេលអនាគតតាមរយៈការបញ្ចូនសិល្បករទៅសម្តែងនៅព្រះរាជាណាចក្រម៉ារ៉ុក៕