នាយកដ្ឋានសារមន្ទីរមានភារកិច្ចដូចខាងក្រោម៖
- គ្រប់គ្រង និងសហការជាមួយបណ្តាសារមន្ទីររដ្ឋ និងសារមន្ទីរឯកជនគ្រប់ប្រភេទនៅទូទាំងប្រទេស
- គ្រប់គ្រង អភិរក្ស ថែរក្សា ជួសជុលសមុច្ច័យ និងជំរុញធ្វើឱ្យមានភាពសម្បូរណ៍បែបនៃសមុច្ច័យសាធារណៈ
- សិក្សាស្រាវជ្រាវ ចងក្រងឯកសារ ចុះបញ្ជីសមុច្ច័យ រៀបចំកាតាឡុក និងតាំងពិព័រណ៍ ដើម្បីការអប់រំផ្សព្វផ្សាយដល់សាធារណៈ
- ពង្រឹងការអភិរក្សសមុច្ច័យ ដោយសហប្រតិបត្តិការជាមួយស្ថាប័នជាតិ និងអន្តរជាតិ ក្នុងការជំរុញការអភិវឌ្ឍ និងការបង្កើតសារមន្ទីរ
- សហការ និងចូលរួមរៀបចំលិខិតបទដ្ឋានគតិយុត្ត និងគោលការណ៍ណែនាំ ដើម្បីគ្រប់គ្រងសមុច្ច័យនិងដំណើរការសារមន្ទីរ
- សហការជាមួយអង្គភាពផ្សេងទៀតក្នុងក្របខ័ណ្ឌក្រសួង ដើម្បីធានាអនុវត្តការងារឱ្យមានប្រសិទ្ធភាព និងស័ក្តិសិទ្ធិភាព
- គ្រប់គ្រងការងាររដ្ឋបាល ធនធានមនុស្ស និងហិរញ្ញវត្ថុរបស់នាយកដ្ឋានក្នុងក្របខ័ណ្ឌនៃការអនុវត្តភារកិច្ច
- ធ្វើរបាយការណ៍ស្តីពីសកម្មភាពការងាររបស់នាយកដ្ឋានប្រចាំខែ ត្រីមាស ឆមាស នព្វមាស និងប្រចាំឆ្នាំជូនថ្នាក់ដឹកនាំ
- អនុវត្តភារកិច្ចផ្សេងៗទៀតតាមការប្រគល់ពីអគ្គនាយក ឬអគ្គនាយករងទទួលបន្ទុក។
